"In bej in bon i frutt del moron" 

El moron,

bella pianta del paisan

quand’eren stracch..

sotta a tì gh’era l’ombria. 

Mangiaven i mocoj dolz me l’uga

Bon ‘me’l pan de mej del nost fornee.

Bosch per i cavaler, che s’ingrassaven

Con quej fojett tener e savorii

E quand poeu s’indormentaven,

galett de seda diventaven.

Moron, pianta de la vita de la cort,

moron che te se in del coeur de chì gh’è staa bagaj

in on Bollaa che quasi ormai el gh’è pù.

Moron, me piasaria cattà i tò moccoj,

provà l’ombria sotta i tò fraschett.

Scoltà ‘na pensaniga ‘me ‘na volta,

ma, senza vess poerett.

15/03/1992 M.Farina

(in occasione della ripiantumazione dei gelsi in cort de moron)