O Madonna Santa Clara

O Madonna Santa Clara
Imprestem la vostra scara
D’andà in Paradis
A truà san Dionis
San Dionis l’è bel e mort
Ghè nisün che ghe fa el cör
Ghera i Angiul che cantava,
La Madonna la suspirava,
la suspirava in genugiun
oh! Che bella oraziun.
Canta, canta rosa e fior
Ghé nasüu noster Signur
L’è nasüu a Betlem
Senza fasa né patell,
l’han fasà quel Gesù bell,
Gesù bell, Gesù Maria,
tutti i Sant in compagnia.
Bella prea e bell’altar
L’è la Messa che l’ha cantà
L’ha cantada noster Signur
Quand a l’era in su la crous,
la crous l’era tanta bella,
la splendeva in ciel e in terra
dal ciel, in terra El vegnerà;
cinque piaghe El mostrerà.
Chi la sa e chi la dis,
quisterà el Paradis,
chi la sa no, la voeur no intendala,
carboun di fögh sotta la lengua,
o viv o mort, bisogna imprendala.



(filastrocca tramandata verbalmente e recitata dai bambini,
già prima che nonna Angelina nascesse, quindi ante 1912 )