El Sabet de sera
 

Tra tucc i ser de la settimana el Sabet sera l’è una cundana,
se va in lett cun el penser di to fioue in di baler.
Se riès nanca a ripusà e se spèta l’ura de vedèi turnà,
e se una sirèna se sent in luntananza,
te batt el coeur e te penset subit a l’ambulanza.
Te cumincet a pregà fin quant cumincia ad albegià,
e quant te sentet che in rivà, te saret i oeucc e te cumincet a sugnà.
Te se disedet a la matina e el prim meste che te voeuret fa, l’è tacà la radio
per senti i ultim nuità.
Quanti volt me capità de senti de fioeu che se masà,
l’è la nostra società che te porta a esagerà,
ghè chi ciapa una pastiglia, e chi se scula una butiglia,
pasen la nott semper a balà, poeu de cursa a turnà a ca.
Se acorgen no che la stanchèsa in un atim la te roba la giuinèsa.

Franco Pasqualini (Baranzate)