|
QUAND CHE TI SE' TE
Olea ditel ier de sera.
Ma 'l gera ina lüna 'nsè tonda
e ciara
che 'l parea medsé.
S'era plö caren
e 'l spirit
el cercaia sol cel
'l mè nòno e la mè
nòna
che hò conosü da picén
apèna da 'iansòmi.
'M so pèrs i-ha amò ina òlta
sensa nancorgemen
di mè cinquant'agn pasà,
cole ale amò spèse de cole pène
che fa vibrà süghüra
l'aola
a pich sura de no.
E adès
che so plö spirit
ma caren
e 'l manca apèna ina quard'ura a l'ura
del mesdè
fam girà tra le tò ma.
Sbraciolem sö
sturnisem de basì.
Hò amò
büsügn de lüna,
de ulà
tra col spirit e
cola caren
che so me
quand che ti sé te.
Dialetto Bresciano della Alta ValCamonica
Autore: ANGELO GIOVANNI TROTTI
|