L’eleziun del President

Un dì tutt i animai de la cassina
che eren custret a lavurà
han decidù de eleg un President
per curà i interes de quej sfrutà
Gh'era la sucietà de la gajna
la sucietà dei capun castrà
el circul dei sumar e dei bùscin
la lega indipendente
dei tor di vac e puresin
e poeu la fratellanza
dei gat surian, de tucc i can
e dei cavai senza el vetturin
la lega fra ber caver e pulin
Partecipando tucc all’adunanza.
un sumar, che per l’ambiziun
de fas eleg, el s’era mis ados
la pel de un leon,
l’ha dit: -elettori mi sont cumos
la civiltà, la libertà el prugres…
quest l’è el mè prugrama preparà
aposta per el popul di pueret
adess el me nom duvarì vutà
E infatti propri lù l’è sta elet
el sumar felice l’ha raglià
a sul allura el popul bestiun
el s’è accort de ‘vè sbaglià
a scufund un asnin per un leon!
Imbrujun! – Assasin- te m’è puffà!
Ho ciapà pusess:-
l’ha dit allura el sumar- e tajela sù
L’è inutil fas ciapà dal rugament
Pesg per vialter che m’avì metù!
E adess musca: rispetèe el president!

Massimo Galimberti