L’ Aquila

-I omen hin i besti pusè ambizius-
L’ha dì l’aquila all’om- e ti t’el set
Ma vula un pò per aria e vedaret
cume i rob hin piscinin e nuius
I curtil, i palaz e i castei
de lassù paren bagutei
e i omen stess, o principi o spazin
de lassù diventen tant puntin
Da lassù te distinguet nagott
El pez gros che se dà impurtanza:
anche un regnant vist in luntananza
el diventa piscinin cume ‘un cagnòtt.
Te vedet quanta gent gh'è li in sul curs
davanti all’uradur ch’el fà el discurs
l’è un cumizi, el so, ma da luntan
in quatter gatt inturna a un ciarlatan

Massimo Galimberti