La Nustalgia

La nustalgia l'è che la roba che te ciapa all'impruis
quant te ghe i cavèi sul gris,
quant te se fermet a pensà ai temp indre ai temp andà.
Quant te se rivedet picinin cun i calsun curt e scusarin,
quant te penset a tua mama che te svegliava a la matina,
e dopu di un'urasiun la te preparava la culasiun.
Quant te penset ai amis de giuentu,
che in andà via e turnen pu.
Quant te penset al to vècc paes, circundà da tanti pra
cun i paisan a restelà.
E dopu un di de laurà se pasava i ser a ciciarà.
E se te vedet che i ann pasen e vulen via,
viv el to temp in alegria e fass no ciapà da la nustalgia.

                Franco Pasqualini (Baranzate)