|
La festa de Baransà
Quant Setember l'è urmai pasà
ghè la fèsta de Baransà,
Te se acorget in un mument
che ghè in gir un cambiament
in ogni via e su ogni balcun
se mètt un sègn per sto fèstun.
Se comincia un quai di prima
a mètt foeura una sandalina,
te se preparet cun devusiun
a vedè pasà la Prucesiun.
Vedè el paes tutt culurà,
Giall e Bleu l'è Baransà.
Andà a l'uratori l'è un piesè,
te trovet semper un quai perché.
Ghè chi va regularment,
ghè chi va in sti mument.
Me vègn in ment la giuinèsa,
andà a l'uratori che belèsa
truà i amis stà tucc insèma,
pudè pregà
poeu fa una cursa e andà a giugà.
Se poeu pensi a la Gesèta
Al tabache e la piasèta,
ghera i giuster
vedè i cuscritt tucc trapelà,
cun la cuccagna de rampegà,
vedè la gent, batt i man e sbasà el co,
se un quai vun scarligava gio.
Che bèi temp me vègn quasi nustalgia
Ma l'impurtant l'è festegià in mèss la gent de Baransà.
Franco Pasqualini
(Baranzate)
|