|
El Don Livio
Che ghe sia el Signur e de la Sua buntà
ghe nisun che pou dubità
el pudeva no dimenicà
la pora gent de Baransà
e pèr garantic el Paradis
l'ha mandà el Don Livio, un veru amis.
Pocc temp ghera pasà
da chel dì che te se rivà
el prim meste che te capità
l'è tiras su i manic e dass de fa.
La gesa noeuva te miss in pe
cun sacrifisi e pocc dane.
Sensa poeu dimenticà
la giuentu de Baransà,
la spurtiva te crea,
gh'era i fioeu de fa giugà.
Se poeu pensi a i tempi in dre
quanti volt m'è capità
de vedèt in gir per Baransà
in bicicleta o in muturin
te sentivum semper visin
te se sta un riferiment
per Baransà e tanta gent.
Turnà a vedèt in la geseta
cun adoss i parament
di la mèsa cun sentiment
l'era un piasè sta li a scultà
gh'era semper d'imparà
in coeu te voeurum festegià
e dit grasie per quèl che te fà
per tutt la gent de Baransà.
Franco Pasqualini
(Baranzate)
|