El ziu Paulin

Se sari i oeucc un cicinin me vègn in ment el ziu Paulin.
Rivedèl in mèss a lera 
Cun in cou el so capèl girag inturna al tumarel, 
o setà giò in sul sgabèl bat el fèrr cun el martèl,
el vedi anmò sul cadreghin taià i strasc cun el fulcin,
in di pe el dueva meti in turna pèr pou mèt su i cuturna,
giras indre 
e andà sota el purtighèt e ligas al coll un fasulet, 
saltà in sèla a la biciclèta e ciamà la sua cagnèta 
in di pra el dueva andà, ghera l' acqua de mulà 
e staga atent ai so rugèt dueven semper vèss bèi nèt, 
quanti nott la pasà in pe pèr andà foeura a fa el campe 
curà i pra cun tantu amur indiferent al so sudur, 
da un sente a l'alter in biciclèta 
cun semper dre la sua cagnèta 
e turnà indre prèst a la matina 
un pou per di la fa la storia de la casina. 

                 Franco Pasqualini (Baranzate)