Primavera in casina

Guardà foeura de la finèstra, e vedè i pra tucc in fèsta,
ogni di cambien culur, ogni di sbocia un fiur.
Guardà gio da la ringhera,
vedè i fioeu, giugà a la rèla in mèss a lera.
E in di pra, i tusanèt cun el scusarin,
ciapà i farfai cun el redin.
Turnà a vedè i trè dunèt, lavà i lensoeu in del fusèt,
e poeu pèr fai sugà, pudè distendi in mèss el pra.
Ghè pu la nebia malandrina che nascundeva la casina.
Vedè el portic de la stala, cun sota el cavalin e la cavala,
e el purcèl in del stabièl,
in primavera el par fina bèl.
Anche i rundin in turnà, un'alter invèrnu lè pasà,
poeu se guardi i piciuni in piciunera,
lè propi bèl lè primavera.

Franco Pasqualini (Baranzate)